Das si mir

Wee üs nid kennsch hesch e Biudigslücke. Mir si e Fasnachtsclique us Herzogebuchsee wo am 23. März 2024 im Joker's z'Buchsi beschlosse het, e Verein z'gründe. Aktuell setze mer üs zäme us üsne 10 Gründigsmitglieder. Wie scho das Jahr simer o im 2025 wieder z'Buchsi am Fasnachtsumzug mit üsem Wage drbi. Zum Umzug ghört bi üs nid nur dr Wagebou u dr Umzug säuber, sondern o üsi Afterparty.

Mäud di bi üs we dä legendär Samsti nächst Jahr mit üs wosch erläbe. Für Buchsi z'ungerstütze, leistemer jedes Jahr ou e Vereinsisatz ir Region, so wie das Jahr ar Bar vom Bernisch Kantonale Musigfest z'Buchsi. We du üsi Hiuf are Bar oder im Parkdienst vo dim Fest chasch bruche, de schrib üs ds doch i üsem Kontaktformular.

Rückblick 2024

Nach guet drü Mönet Vorbereitig heimer am 17. Februar 2024 mit knapp 30 Kolleginne u Kollege a üsem erste Umzug mitgmacht. Üse doch no chli improvisiert Wage heimer zumne fahrende Jungle-Club gmacht - passend zum Motto "Safari" vor Buchser Fasnacht. O Kostümtechnisch heimer gluegt dsmer zu däm Motto passe u hei üs Wagebouer entsprächend aus Ranger verchleidet. Aui wo mit üs am Umzug hei teilgno hei sech fürnes Tierkostüm chönne entscheide und so für chli Stimmig ufem Wage gsorgt.

Für s'Potential vo däm fahrende Club nid z'verschwände heimer im Aschluss a Umzug für aui Beteiligte e Afterparty organisiert und i abe ine gfiiret. Einisch meh es grosses Merci a aui wo drbi si gsi u ds o nächst Jahr wider wärde si, sowie a aui wo üs dür verschideni Sponsorings d'Organisation vo däm Ganze chli eifacher gmacht hei! Abschliessend het üs dr Gian-Luca us sine Ufnahme es Video gschnitte und üs so e Erinnerig a üse erst Umzug gschaffe. Lueg mau bi ihm verbi, es lohnt sech!