Wär mir si
Unge fingsch e chlini Timeline zur Gschicht vo üsem Verein und übere Chnopf rächts chunsch zu üsem Vorstand.
15.11.2025
Wagebou Ep. 3
"Nachemne starche zwöite Jahr heimer d Vorbereitige für no es bessers dritts Jahr troffe u starte Mitti November vougas i Wagebou, blibet gspannt!
07.06.2025
Schwingfescht u de sogar mit Chranz
"Einisch meh het e Grossteil vo üsem Verein e riise Isatz hinger dr Bar zeigt u gluegt, ds a däm Oberaargouische Schwingfest niemer zweni z'trinke het. Öpis z'fiire heimer o gha, härzlechi Gratulation zum erschte Chranz üsem Aktivmitglied Nöiechranzer Leve.
08.03.2025
Nüggeler Fröschlibar & Tänzle hingerem Pub
"D Fröschli im Pub si nie so günstig wie ar Nüggeler Fröschlibar u drzue gits sogar no Sound vo de Déjà-vu-Jungs us Langetu.
08.03.2025
Fasnacht Buchsi zwöiti Rundi
"Ändi Saison heimer no z Après-Ski uf Buchsi bracht u si drmit de ou no grad uf Wange und Huttwil witerzoge.
08.12.2024
Wagebou Ep. 2
"Aus chli besser, aus chli schöner" isch d Idee vo üsem zwöite Wage, dr Suissi chunt mitem Après-Ski uf Buchsi.
23.03.2024
Vereinsgründig
Zu ursprünglech acht Wagebouer si zwöi nöii drzue cho, zäme heimer a däm Samsti Nami im Pöp d Nüggeler gründet und üses nöie Logo vorgsteut.
17.02.2024
Fasnacht Buchsi
Komm wir gehen auf Safari! Üse erscht Fasnachtsumzug inklusive dr obligatorische Afterparty.
02.12.2023
Dr erscht Wagebousamsti
Pünktlech mitem erschte Schnee heimer mitem Wagebou agfange. I däm erschte Jahr isch aus no chli improvisiert gsi, ghäbt hets am Schluss de glich.
Herbst 2023
"Chum mir boue e Fasnachtswage"
Ganz am Afang steit d Idee, so ou bi üs. Relativ schnäu isch klar gsi dsmer üs am Motto vor Fasnacht Buchsi apasse und e Jungle-Club aus Wage boue.